Արշավախումբը որոշ ժամանակով դադարեցնում է իր աշխատանքները: Սակայն սա վերջը չէ, և որոշ ժամանակ անց մենք նորից կսկսենք գործել: Այնպես որ խնդրում ենք լինել համբերատար և սպասել նորությունների:

Արշավ N9 - Փամբակի Լ.շղթա, ՀԱՐՍՆԱՍԱՐ, մոտ 2500մ

 Հայաստանը լեռնային երկիր է…  Նմանատիպ նախադասության կարելի է հանդիպել ցանկացած գրքում, որտեղ գրված է Հայաստանի մասին:  Կարծում եմ`  շատերի համար այս նախադասությունը չի անցնում նախադասության,որպես այդպիսին,  սահմաններից և  չի հատում  իմաստի սահմանը… իսկ իմաստը պետք է ապրել, պետք է զգալ, տեսնել և այլն…  Հայաստանը ու նրա բնությունը  սիրելու և նրան մոտ լինելու համար պետք է շփվել նրա հետ….   Այդպիսի հնարավորություն, երեկ` 18.09.2011 ,ինձ  տվեց արշավախումբը… Խումբ, որը համալրվել էր մեկ գլխավոր` Հարսնասարի գագաթը բարձրանալու նպատակով:    Ճանապարհ ընկանք վաղ առավոտյան: Եղանակը արև էր խոստանում, իսկ  րաբունապետը և խմբի ոգին` ուրախ տրամադրություն, միասնականություն, ընկերական մթնոլորտ: Հավատացեք` այդպես էլ եղավ. արևը իր ջերմ հետքն է թողել մեր մաշկի վրա, իսկ խմբային մթնոլորը`  հիշողության մեջ: Դե պատկերացրեք, թե ինչ կարող է լինել,  կամ, ավելի ճիշտ, ինչ չի կարող չլինել, երբ մեկ խմբում հավաքվեն տարբեր մուլտ-ՀԵՐՈՍՆԵՐ` Մաուգլին, Վիննի Պուխը, Դոնալդ Դաքը, Իան, Պիտաչոկը, Ալադինը, Զոլուշկան և ալյք…

         Մինչև սարին հասնելը, մենք երկար քայլեցինք, այդ ընթացքում անցնելով ձորերի, թեք տարածությունների, փշերի  միջով:  Ճամբան շատ գեղեցիկ էր, քարքարոտ` գունային շերտերով` ցորենագույն, մոխրագույն, կանաչ … Որքան բարձրանում էինք, այնքան ներքևում ամեն ինչ ավելի ու ավելի գեղեցիկ էր թվում, …  իսկ սարը, գագաթնակետը, կարծես թե հեռանում էր… Այո, մի զարմացեք, հեռու էր թվում ձորերի  բարդ կառուցվածքների պատճառով:  Բայց, դրա հետ մեկտեղ, գագաթին գտնվելու հաճույքը երկար չսպասեցրեց… Եվ ահա…  մի  բարդ  ժայռակտոր… ,որը հաղթահարելով կհայտնվեմ գագաթին… խուճապ … սկսածդ ավարտելու ցանկության կորուստ…  և այս ամենը երկար կտևեր, եթե չլինեին  արշավախմբի անդամները  ու, իհարկե, իմ սիրելին,  եթե չլիներ հուսադրող մթնոլորտ ու օգնող ձեռք … Գագաթից բնության տեսարանը միանգամայն այլ էր . ամեն մի մաս` երկու փոքրիկ լճակները, բլրակները, ձորերը, հարթ տարածքները, նրանց վրա ընկած ամպերի շողքը   դադարում էին մաս լինելուց, ու դառնում էին  մեկ տեսարան` ամբողջական տեսարան… Հենց այսպիսի պահերի ես հասկանում, որ բարձունքները հաղթահարելի են, երբ մենակ չես…

Հեղինակ՝ Անահիտ Մինասյան

Ահա ևս մի քաի նկարներ՝

ԱՐՇԱՎ N9 - ՀԱՐՍՆԱՍԱՐ

Մենք այցելեցինք Հարսնասար և շատ ու շատ նկարներ նկարեցինք... բայց.... ֆոտոապարատը փչացավ, և մենք նույնիսկ մեկ նկար չկարողացանք փրկել

Այս անգամ ճանապարհը մեզ տանելու է դեպի Հարսնասար՝ Շիրակի մարզի ամենագեղատեսիլ և դեռևս չուսումնասիրված լեռներից մեկը:
Դեպի լեռը տանող ճանապարհը բավականին երկար է՝ մոտ 8 կիլոմետր, ինչը երաշխավորում է արշավի հետաքրքիր լինելը:
Պետք է հատուկ նշել, որ Հարսնասարը Հայաստանի այն վայրերից է, որտեղ մինչ այժմ շատ քիչ մարդիկ են ոտք դրել, լինեն նրանք հայ թե արտասահմանցի: Սակայն դրա պատճառը ոչ թե այն է, որ վայրը տեսարժան չէ, այլ այն, որ չեն գտնվել մարդիկ, ովքեր կգնային, կուսումնասիրեին այն և կհայտնաբերեին որ այն լիովին արժանի է՝ այցելուների պակաս չզգալու համար: Մի խոսքով՝ Արշավախմբից 2 հոգի գնացել են, տեսել այ ամենը, և հիմա ասում են՝ համեցեք, դա այն տեղն է, որ ՊԵՏՔ Է ԳՆԱԼ:
Իհարկե, ինչպես միշտ՝ հանդիպում ենք Ավետիք Իսահակյանի արձանի մոտ՝ 2011 թ. Սեպտեմբերի 18-ին, առավոտյան ժամը 08:00:
Արշավի արժեքն է՝ 4000 դրամ:
Մասնակցությունը հաստատելու համար պետք է զանգահարել՝
055 66 15 41 Վահեին, կամ՝
055 02 22 30 Հերմինեին:
Հարսնասարի մասին զանազան պատմությունները և ժողովրդական բանահյուսության տարրերը դուք կլսեք հենց արշավի օրը՝ դեպի լեռը տանող ճանապարհին:
Այս լեռան բարձրությունը նույնիսկ ոչ մի տեղ նշված չէ, այնպես որ, առաջինը թերևս մենք ենք լինելու, որ կչափենք այն:
Գրանցման վերջնաժամկետն է մինչև 2011 թ. սեպտեմբերի 15-ը:
Թե ինչ պետք է վերցնեք ձեզ հետ, կարող եք նայել այստեղ՝
http://www.facebook.com/groups/galiseq/doc/135413883211410/

ԵՎ ՎԵՐՋՈՒՄ ԻՀԱՐԿԵ՝ ՀՐԱՎԻՐՎՈՒՄ ԵՆ ԲՈԼՈՐԸ:

Նորություններ Շիրակի մարզից

Ողջունում եմ բոլոր բոլորին, և ցանկանում տեղյակ պահել ձեզ այն իրադարձություններին, որոնք տեի են ունեցել ՀՀ Շիրակի մարզում 2011թ. Սեպտեմբերի 3-ին` վաղ առավոտից մինչև ուշ երեկո:
Սկսենք...

Վաղ առավոտյան Արշավախմբի անդամները Երևանից ուղղություն վերցրին դեպի Շիրակի մարզ: Այս անգամ  Երևանից մինչև Շիրակի մարզի սահմանը ղեկավարի պարտականությունները ստանձբել էր մեր շատ սիրելի Հերմինե Ասլանյանը, կամ Hem'OK-ը: Սակայն դա իհարկե ոչ մի բան չի փոխում, որովհետև մեքենայի մեջ նորից, ողջ ճանապարհին, բոլորը խաղում էին "Ճակատագիր"(Խաղի անունը փոխել ենք` "Գուշակիր հերոսիդ" =>"Ճակատագիր"):

Բոլոր ճակատագրերը վերջում դարձան "Ապակեգրեր" :D

Այսպես, շատ ուրախ և զվարթ մթնոլորտու անցավ ողջ ճանապարհը:







Իհարկե, եթե անցնում ենք "Տառերի" մոտով, ուղղակի չի կարելի չկանգնել և մի քանի նկար չնկարել:

 "Տառերից" հետո մոտ 80 կմ ճանապարհ, և հասնում ենք այն տեղը, որտեղ մինչ այժմ և ոչ մի արշավախումբ չի այցելել` Սբ. Հովհաննես լեռան ստորոտը, որտեղ արդեն բոլորին դիմավորում եմ ես, և սկսվում է իրական արշավը: Այնպիսի արշավ, որ չուներ իր նախադեպը ոչ արշավախմբի պատմության մեջ, և ոչ էլ որևէ այլ տեղ: Լեռան բարձրությունը մոտ 3000 մետր է, իսկ ճանապարհից այն հեռու է մոտ 5 կմ: Սակայն, հաշվի առնելով այն, որ պիտի քայլենք ծուռումուռ, որպեսզի չտրորենք աշնանացանն ու վարած արտերը, հաշվի առնելով որ ողջ չանապարհին չկա և ոչ մի ծառ` նրա ստվերում հանգստանալու համար, ապա այս արշավի բարդության աստիճանը կարելի է բարձր գնահատել:

Առաջ, դեպի Սբ. Հովհաննես:


Հիշեցնեմ որ թվով ավելի շատ նկարներ կարող եք տեսնել հետևյալ հասցեով:






Հետևյալ մի քանի նկարներում դուք տեսնում եք Սբ. Հովհաննես մատուռը, այնուհետև լեռան ստորոտին գտնվող քարանձավները.... ի դեպ, արշավի մասնակիցների մեծ մասի կարծիքով  հենց քարանձավներն էին երեկվա արշավի ամենահետաքրքիր և ամենադիտարժան վայրը:

Վերջապես հասանք

Նորից ու նորից` ԿԵՑՑԵ ԱՐՇԱՎԱԽՈՒՄԲԸ

Ժայռամագլցում? Ախր ոնց կարելի է դիմանալ գայթակղությանը և չմտնել գետնից մի քանի մետր բարձրության վրա գտնվող այս քարանձավները:

Ահա նրանք... Տեղացիները սրանք անվանում են Քյորօղլու Մաղարեք

Այնուհետև այցելություններ Հառիճավանք, Լմբատավանք և Պեմզաշենի Սբ. Առաքելոց:Բոլոր նկարները կարող եք նայել այստեղ, իսկ բլոգում կտեղադրեմ ընդամենը մի քանիսը:

Հառիճավանք

Հառիճավանքի գմբեթը

Դեպի Լմբատավանք

Պեմզաշեն, Սբ. Առաքելոց

Աշխարհի շուրջը 1 օրում

Բարև հարգելիներս, ուսումնասիրելով մեր առաջիկա արշավի համար նախատեսված ճանապարհը, ես պարզեցի, որ մենք այդ օրը կարող ենք այնքան բան տեսնել, այնքան բան անել, որ չենք արել մինչև հիմա` բոլոր 7 արշավների ժամանակ, միասին վերցված:
Այսպիսով` Շարժվելով Երևանից, իհարկե, կանգ ենք առնելու "Տառերի" մոտ: Երևի բոլորս էլ գիտենք դրանց մասին` բոլոր 36 քանդակազարդ տառերը, գումարած հայ մեծերի մի քանի արձաններ, բոլորը հավաքվել են մեկ տեղում:
Այնուհետև անցնում ենք բոլորին հայտնի մի քաղաքով` Ապարանով: Ասեմ, որ բացի նրա հետ կապված զվարճալի պատմություններից, այն վերջերս հայտնի է դարձել իր հացով` բոլորդ կարող եք փորձել:
Այնուհետև առանց կանգառների հասնում ենք Արագածոտնի և Շիրակի մարզերի սահմանամերձ Նորաշեն գյուղը, որտեղից մեզ սպասվում է հիանալի քայլարշավ դեպի Սբ. Հովհաննես լեռը և նույնանուն փոքրիկ մատուռը, որը, չնայած նոր և ճարտարապետական տեսակետից աննշան լինելով, այնուամենայնիվ հանդիսանում է Նորաշեն և Շիրակի մարզում գտնվող Արևշատ, ինչպես նաև մի քանի այլ գյուղերի գյուղացիների սրբատեղին, ուխտավայրը:
Լեռան ստորոտին կա մի փոքրիկ տարածք, որն իր բուսական միկրոկլիմայով և ժայռերով ամբողջովին տարբերվում է շրջակա ողջ տարածքից: Այստեղ են գտնվում մի քանի քարանձավներ, որոնք, լինելով փոքրիկ, այնուամենայնիվ պատված են լեգենդներով, ինչպես և գագաթին գտնվող մատուռը:
Վերադառնալով Սբ. Հովհաննեսից, մեքենայով շարունակում ենք ճանապարհը մինչև Արթիկ քաղաքին կից Հառիճ գյուղը.... կարծում եմ ավելորդ է ասել որ այնտեղ է գտնվում Հառիճավանքը, հանրահայտ Հառիճավանքը:
Այնուհետև այցելում ենք Արթիկ քաղաքում գտնվող Լմբատավանք, և, եթե թույլատրեն, նաև Սբ. Մարինե եկեղեցի:
Նորից առաջ, դեպի Պեմզաշեն: Այստեղ է գտնվում Սբ. Առաքելոց վանքային համալիրը, որը, իրոք, ՊԵՏՔ Է տեսնել:
Պեմզաշենից հետո վերադառնում ենք Երևան, ճանապարհին տեսնելով ՄԱՐԱԼԻԿԸ: Այո, այն փոքր և քիփիլիկ քաղաք է :D
Այսքանը հարգելիներս: Իհարկե այս բոլոր տեսարժան վայրերի այցելության ժամանակ ես ձեզ կզբաղեցնեմ` պատմելով ձեզ դրանց պատմությունը, ժողովրդական լեգենդները: Եվ իհարկե, ճանապարհին` մեքենայի մեջ, մեզ սպասում են արդեն ավանդական դարձած խաղերը` "Գուշակիր հերոսիդ" և "Բլիբել": Սրանք արշավախմբի անդամներին ավելի են մոտեցնում իրար, ընկերացնում, համեմում ճանապարհորդությունը խինդ ու ծիծաղով:
Վերջում նաև ավելացնեմ, որ այս ճամփորդությունը նման է շուրջերկրյա ճամփորդության, ուղղակի պտտվում ենք ոչ թե երկրի, այլ Արագածի շուրջ:

Արշավ N8 - Սբ. Հովհաննես - Հառիճավանք - Լմբատավանք ու էլի լավ տեղեր

Այս անգամ Արշավախումբը ձեզ համար ծրագրում է Արշավ-քայլարշավ աշխարհագրական հետևյալ ընդգրկումով` Երևան-Արագածոտնի մարզ- Շիրակի մարզ: Նախատեսվում է այցելություն մի քանի վանքային համալիր` Սուրբ Հովհաննես, Հառիճավանք, Լմբատավանք: Բոլոր նրանց համար, ովքեր այդքան սիրում են քայլել ու ոտքերը տակ ամուր զգալ մայր հողը, սա հրաշալի հնարավորություն է 7-8 կմ (միակողմանի) քայլելու: Նշենք, որ տեսնելու ենք նաև հնօրյա քարանձավներ: Կախված արշավականների ցանկությունից և արշավի տեմպից` ևս մեկ վանքային համալիրի այցելություն է նախատեսվում, որի մասին կհայտնենք լրացուցիչ: :)
Եվ այսպես` հանդիպում ենք ինչպես միշտ` Ավետիք Իսահակյանի արձանի մոտ, 2011թ. սեպտեմբերի 3-ին, առավոտյան ժամը 8:00:
Քանի որ այս արշավը ամառվա "փակումն" ու միաժամանակ աշնան "բացումն" է հանդիսանում, Արշավախումբը ձեզ համար հատուկ անանկալ է մատուցում` ուղևորությունը արժենալու է ընդամենը 3000 դրամ:
Գրանցվելու համար, ինչպես նաև հարցերի դեպքում զանգահարում ենք հետևյալ հեռախոսահամարներով`
055 66 15 41 Վահե
055 99 36 63 Գարիկ:
Կարող եք գրանցվել մինչև սեպտեմբերի 1-ը ներառյալ:

(Վերև + Ներքև) x 3 = ՀՐԱՇԱԼԻ ԱՐՇԱՎ

Ինչպես և սպասում էինք` հերթական արշավը` դեպի Մակարավանք, անցավ շատ ուրախ և զվարթ մթնոլորտում: Ամեն ինչ, կարելի է ասել, հիանալի էր: Սկսենք պատմությունը:

Ինչպես միշտ` հանդիպեցինք Ավետիք Իսահակյանի արձանի մոտ:
Ինչպես միշտ` ուշացողներ անպայման եղան:
Ինչպես միշտ` մենք նրանց սպասեցինք:
Վերջապես դուրս եկանք Երևանից (մեր սիրելի Երևանից), և ուղղություն վերցրինք դեպի նպատակակետ: 

 

Իհարկե չմոռացանք մեքենայի մեջ խաղալ մեր արդեն ավանդական դարձած խաղը, որն անվանում ենք "Գուշակիր հերոսիդ"... նկարներում դեղին թղթերի վրա գրված են 

մուլտֆիլմների հերոսների անունները...Մի պահ պատկերացրեք` մեկ միկրոավտոբուսի մեջ հավաքվել են Շրեկը...

...Վիննի Պուխն ու "Սիմփսոններ" մուլտսերիալի հերոսուհիներից մեկը, որի անունն այդպես էլ չհիշեցի...

...Մինի Մաուսը, Չեբուրաշկան, Գլորիան(Մադագասկարի գետաձին), Ֆիոնան...

                                                                                     ... Գուֆֆին ու Վարդագույն Հովազը: Եթե դա պատկերացրիք, ուրեմն կպատկերացնեք նաև մեքենայի մեջ թնդացող խինդն ու ծիծաղը: 

Այսպես, աննկատ, 2.5 ժամում հասանք Մակարավանք:

Մակարավանքը ողջունում է քեզ` Արշավախումբ:

Միթե ես այնքան էի տարված համալիրի գեղեցկությամբ, որ նույնիսկ մոռացա մի քանի նկար նկարել: Ինչևէ, դրանք շուտով կունենանք` շնորհիվ արշավի մասնակիցների:

Վանքում շրջելուց, պատարագին ներկա գտնվելուց հետո... հիշում եք չէ?, էլ ինչ արշավ, եթե չքայլենք...... մուտք դեպի անտառ, հրաշալի բացատ, համեղ ուտելիքներ, ձմերուկ, խարույկ, քայլք դեպի ներքև` գետակը, այնուհետև վերելք` դեպի "սեղանը", այնուհետև մեր կողմից նոր հայտնաբերված գեղեցիկ ճանապարհ և նորից ներքև` դեպի այնտեղ: Հետո նորից վերելք` դեպի "սեղանը": Ահա մի քանի նկար

 Այո, կներեք որ նկարներն այսքան քիչ են: Շուտով կլինեն թարմ, շատ ու որակով:
Հետո սկսվեց անձրևը, որից սակայն, մեզ պաշտպանում էր սաղարթախիտ անտառը:
Այս ամենից հետո նստեցինք, անցանք մտերմիկ զրույցի, ավելի լավ ճանաչեցինք միմյանց, և...... ՎԵՐԱԴԱՐՁԱՆՔ ԵՐԵՎԱՆ:
Այսքանը հարգելի ընթերցողներ, առայժմ այսքանը:
Հարգանքներով` Վահե:

Ավարտվեց

Ավարտվեց ևս մեկ հիանալի արշավ: Արշավ N7-ը, կամ Արշավ դեպի Մակարավանքը: Կամ էլ` "Վերև ներքև վերև ներքև վերև ներքև"-ը:

Քայլարշավ, կողմնորոշում, գեղագիտական հաճույք, նոր գիտելիքներ: 4-ը 1-ում

Երևի շատերը գիտեն, որ Մակարավանք հասնելու համար պետք չէ երկար քայլել: Ճանապարհ կա և մեքենան կարող է հասցնել մեզ ընդհուպ մինչև Մակարավանք:
Այդ դեպքում էլ ի՞նչ արշավ, ասենք էքսկուրսիա ու վերջ:
Բայց ոչ: Արշավախումբը ձեզ համար մի անակնկալ է պատրաստել: Չնայած որ ուզում էինք սրա մասին հայտարարել հենց տեղում, սակայն քննարկումներից հետո նպատակահարմար գտանք նախապես տեղյակ պահել բոլորին:
ԱՅՍՊԻՍՈՎ` ՈՒՇԱԴՐՈՒԹՅՈՒՆ
Հայ ճարտարապետության այդ եզակի կոթող` Մակարավանք հասնելուց և այն ուսումնասիրելուց հետո, ձեզ սպասվում է հետաքրքիր մի խաղ: Ներկայացնեմ այն.
Մոտակա անտառում տեղադրված են լինելու ուղղորդիչ նշաններ, գլուխկոտրուկներ, հանելուկներ, որոնք ճիշտ հերթականությամբ գտնելով, հանելուկներին ու գլուխկոտրուկներին ճիշտ լուծումներ տալով խմբի անդամները  կկարողանան հասնել նշանակման վայրը` Տավուշի մարզի այդ անձեռակերտ անտառների չնաշխարհիկ բացատներից մեկը, որտեղ նրանց կդիմավորեն արշավի կազմակերպիչներից երկուսը: Իսկ երրորդ կազմակերպիչը ամբողջ ճանապարհին նրանց հետ կլինի և կուղղորդի նրանց քայլերը:
Այսպիսով, այս արշավը իր մեջ կներառի ոչ միայն սովորական դարձած քայլքը, ոչ միայն գեղագիտական հաճույքն ու կտա նոր գիտելիքներ, այլ նաև մասնակիցներին հնարավորություն կտա նպաստավոր և ոչ բարդ պայմաններում ստուգել իրենց կողմնորոշվելու կարողությունները:
Բացի այդ, նշանակման վայր հասնելուց հետո խմբի անդամներիս սպասվում է ևս մի անակնկալ, որի մասին նրանք կիմանան միայն այդ ժամանակ:
Իհարկե`  ՀՐԱՎԻՐՎՈՒՄ ԵՆ ԲՈԼՈՐԸ, և իհարկե` ՀԱՐԳԱՆՔՆԵՐՈՎ` Արշավախումբ:

Դեպի Մակարավանք

Այս անգամ գնում ենք Տավուշի մարզի Աչաջուր գյուղից 6 կմ հեռավորության վրա գտնվող հայ միջնադարյան եզակի կոթողներից մեկը` Մակարավանք: Այն 13-րդ դարի հայկական վանական համալիրներից է:

Վանքային համալիրը բաղկացած է երեք եկեղեցիներից, գավթից, աղբյուրից, դարպասից, հանգստարանից և այլ օժանդակ շինությունների ավերակներից։
Պահպանվել են նաև դրա մերձակա տարածքում հոգևորականների համար կառուցված բնակարանները։
Ավելորդ եմ համարում հիշեցնել, որ դուք հնարավորություն կստանաք ևս մեկ անգամ վայելել Տավուշի անտառների աննման գեղեցկությունը:

Այսպիսով` հանդիում ենք Օգոստոսի 21-ին, առավոտյան ժամը 07:30, Ավետիք Իսահակյանի արձանի մոտ: Իհարկե` ուշանալը չի խրախուսվում:
Ուղևորության արժեքն է` 4500 դրամ:
Շատ լավ է անցնելու, չեք փոշմանի :D

Գրանցվելու, ինչպես նաև այլ մանրամասներ իմանալու համար զանգահարեք հետևյալ հեռախոսահամարներով`
055 66 15 41 Վահե
055 99 36 63 Գարիկ
099 18 19 09  Հովսեփ

Արևահարվածները

Բարև իմ շատ սիրելի ընթերցողներին:
Քիչ առաջ վերադարձանք Արագած լեռան հարավային գագաթից:
Այնքան բան կա պատմելու.... շատ-շատ:
Բայց, չնայած որ հիանալի ժամանակ ենք անցկացրել, ահավոր հոգնել եմ... և այս արշավի մասին տպավորություններս կգրեմ ավեի ուշ:
Իսկ մինչ այդ միայն մի բան կասեմ.... մենք բոլորս, խմբի բոլոր 13 անդամներս ԱՐԵՎԱՀԱՐՎԵԼ ԵՆՔ, կարմրել :D
Մենք արևահարված ենք ու երջանիկ :D

ԱՐՇԱՎ N6 - ԱՐԱԳԱԾ

Արշավ N6
Այս անգամ արշավում ենք դեպի Արագած:
Նախ մեքենայով բարձրանալու ենք մինչև Քարի լիճ, որը գտնվում է ծովի մակարդակից 3000 մ բարձրության վրա:
Այնուհետև սկսվում է իրական արշավը` քայլելու ենք դեպի լեռան հարավային գագաթ, որը 3879 մ ծովի մակարդակից բարձր է:
Ճանապարհը հագեցած է շատ գեղեցիկ տեսարաններով, իսկ մեր ընտրած երթուղին առավել ևս... տեսնել է հարկավոր:
Ճանապարհի բարդությունը բարձր չէ, սակայն հետաքրքրությունը` շատ բարձր:
Հանդիպում ենք Ավետիք Իսահակյանի արձանի մոտ` Հուլիսի 31-ին, առավոտյան ժամը 7:00:
Ուղևորության արժեքն է`4500 դրամ:
Գրանցվելու, ինչպես նաև ձեզ հետաքրքրող այլ մանրամասների մասին տեղեկություն ստանալու համար համար պետք է զանգահարել`
055 66 15 41 Վահեին,
055 99 36 63` Գարիկին:
Գրանցման վերջնաժամկետն է հուլիսի 28-ը, սակայն քանի որ տեղերն անսահմանափակ չեն` մասնակիցների առավելագույն քանակը լրանալու դեպքում գրանցվելու պրոցեսը կդադարեցվի:
Հիշեցնեմ որ մենք շատ լավ ծանոթ ենք երթուղուն:
Արշավների համար անհրաժեշտ իրերի ցուցակին կարող եք ծանոթանալ մեր խմբում`
http://www.facebook.com/gr​oups/galiseq?view=doc&id=1​35413883211410

Արշավ N5, Նորավանք - Արենի 1 - Պարույր Սևակի տուն-թանգարան

"Արշավախումբը" ուրախ է ներկայացնել ձեզ իր հաջորդ` թվով 5-րդ արշավի մանրամասները:

Այս անգամ ուղևորվում ենք դեպի Նորավանք` միջնադարյան վանական համալիր, որը իր, ինչպես նաև շրջակա բնաշխարհի գեղեցկությամբ չունի իրեն հավասարը ողջ Հայաստանում: Վանական համալիրի մասին ավելի մանրամասն պատմությունը կներկայացնենք տեղում:Այնուհետև այցելելու ենք "Արենի 1" քարանձավ, որը հայտնի դարձավ 2008թ.` այնտեղ հայտնաբերված հնագույն գինու կարասների և 5500 տարեկան կոշիկի հայտնաբերումից հետո:

Քարանձավն ուսումնասիրելուց հետո կանգ ենք առնելու Արփա գետի ափին` վայելելու բնությունը, ինչու չէ` նաև գետում լողալու:
Իսկ վերջում կայցելենք Պարույր Սևակի տուն-թանգարան:
Ամբողջ ուղևորության արժեքն է` 4500 դրամ, ներառյալ թանգարանի մուտքի տոմսը:

Գրանցման վերջնաժամկետն է 2011թ. Հուլիսի 15-ը:
Գրանցվելու համար կարող եք զանգահարել հետևյալ հեռախոսահամարներով`

055 66 15 41 Վահե

055 99 36 63 Գարիկ

29.06.2011 Լաստիվեր Անապատ

Վերջապես նկարների ամբողջ հավաքածուն հավաքեցինք մի տեղ: Կարելի է սկսել պատմությունը: Այսպիսով...
....2011 թ. հունիսի 29: Առավոտյան մեքենան Երևանի կենտրոնից ուղղություն վերցրեց դեպի Ենոքավան:

Ճանապարհը հաճելի էր` ուրախ ու զվարթ մթնոլորտ:

Ենոքավանից սկսած` մեզ սպասվում էր ոչ այնքան հեշտ ճանապարհ ոտքով` դեպի Լաստիվեր անապատ: Չնայած ողջ բարդությունը կայանում էր նրանում, որ արահետները նեղ էին` ու անդունդին փոքր ինչ մոտիկ:

 

Ճանապարհը շատ երկար չթվաց` անընդհատ զրուցում էինք և օգնում մեկս մյուսին:

                                

                                              -Դե հել, հել գնանք

Արմինեի ոտքը ճանապարհին ոլորվեց:
Մեզ էլ հանգստանալու առիթ էր պետք :D

Վերջապես հասանք տեղ` Խաչաղբյուր: Տեսարանը իրոք հրաշալի էր: Միանգամից մոտս ցանկություն առաջացավ նետվել գետը......................................................

                          ..................բայց հիշեցի նախորդ արշավը, վարարած Որոտանի հետ կռվիս դառը փորձը, ու ուղղակի սկսեցի հիանալ տեսարանով:
Դե հետո կտոր մը հաց կերանք, մի լաաաաաավ իրար նկարեցինք.....

... կոնկրետ էս պահին բոլորս Գոհարին էինք նկարում, իսկ Գոհարը` բոլորիս:














Դե հետո գետը անցանք, կեսը դողալով, կեսը ծիծաղելով, բարձրացանք ջրվեժի մոտ..

 Առաջինը Գարիկն ու Հովսեփն էին








Հետո մենք բոլորս` շարքով, կարգով.........

                          

                         ....... իրար օգնելով(ինչ պիտի անեին աղջիկներն առանց մեզ:))

Հա, էսի շատ կարևոր մոմենտա`

"ԿԵՑՑԵ ԱՐՇԱՎԱԽՈւՄԲԸ!!!!!!!!!!!!!!!!"

Էս մի նկարը հատուկ ավելի մեծ եմ քցել: Բոլորը մի բանով զբաղված են.....

...իսկ Հովսեփը սիրուն բան էր տեսել :D

 Վերջում էլ` հետդարձի ճանապարհին, գնացինք Սևանին տեսակցության, ու Գարիկը.... մեր սիրելի Գարիկը.... ուրեմն էս Գարիկի մեջ դեռևս էնքան էներգիա էր մնացել... որ.... ԹՌԱՎ.......

Էսի ֆոտոշոփ չի: Ես իմ աչքերով եմ տեսել... :D